"ABAD"çı: Vüsal Əliyev | Kod: 75 | Region: Gədəbəy

Gədəbəy rayon sakini Vüsal Əliyev 3 ildir ki, ağac üzərində oyma sənəti ilə məşğuldur. Vüsal Əliyev Əmək və Əhalinin Sosial Müdafiəsi Nazirliyinin Sağlamlıq imkanları məhdud gənclərin Peşə Reabilitasiya Mərkəzində təhsil alır.

O, oymaçılıq sənətinə də burada öyrənib.

Özünü ilk dəfə tanış olduğu sahədə sınayan Vüsal qısa bir zamanda uğurlu nəticələr əldə edir.

Tar, kamança, saz kimi musiqi alətlərinin suvenirlərini hazırlayan Vüsal Əliyev qeyd edir:

“Yaradıcılıqla məşğul olarkən özümdə daxili rahatlıq hissi tapıram”.

Qeyd edək ki, Vüsal Əliyev ölkəmizdə keçirilən bir çox sərgilərin iştirakçısı olub.

“ABAD” layihəsinə qoşulmaqda əsas məqsədi hazırladığı əl işlərinin satış bazarını genişləndirməkdir.

Onun əl işləri “ABAD” sənətkarlıq mərkəzlərində təqdim olunur.

 


Məhsullar
© 2017 “ABAD” publik hüquqi şəxs