"ABAD"çı: Cəmilə Qəniyeva | Kod: 243 | Region: Bakı

Abşeron rayonun Qobu qəsəbəsinin sakini Cəmilə Qəniyeva xalq sənətkarlığının şah əsərlərindən olan xalçaçılığı yaşadanlardan biridir.

Orta məktəbi bitirdikdən sonra Cəmilə xanım əmək və rəsmxət müəllimliyi üzrə ixtisas alıb, lakin ixtisası üzrə heç vaxt işləməyib.

O, cavan yaşlarından xalça-palaz toxuculuğu ilə məşğuldur.

“Məşhur Dağlar müəllimin yanında bu sənət üzrə püxtələşmişəm. Əvvəllər ənənəvi naxışları vizuallaşdırırdım, daha sonra dəstərxanlar, portretlər toxumağa başladım. Hətta Ulu Öndər Heydər Əliyev və onun ailə üzvlərinin portretlərini toxuyub, onlara hədiyyə vermişdim”.

Cəmilə Qəniyeva “ABAD” haqqında yaxın vaxtlarda məlumat alıb. Onun dediyinə görə, müraciət zamanı hər şeydən əvvəl işçilərin gülərüz insanı məmnun edir.

“ABAD”a xas olan hər bir məqam mənim üçün doğmadır. “ABAD”a inanıram. Onun nəzdində Azərbaycan xalçaçılıq birliyinin olması isə böyük arzumdur”.


© 2018 “ABAD” publik hüquqi şəxs