“ABAD” sıralarında oymaçı-sənətkarlardan daha biri Bakı sakini Rauf Seyidzadədir. Bədii oyma sənəti ilə ölkəmizi bir çox beynəlxalq sərgilərdə təbliğ edən R.Seyidzadə ixtisasca radiotexnikdir. Lakin uzun illərdir ki, məhz sənətkarlıq onun əsas iş fəaliyyətidir:

“26 ildir ki, fasilələrlə oyma sənəti ilə məşğulam. Cavan nəsil üçün təlimlər də keçirəm. Ən çox tələb olan suvenirlərimdən biri milli musiqi alətlərimizin təsviridir”.

“ABAD” sıralarına qoşulmağa dəvəti Rauf bəy məhz sərgilərin birində alıb. Dediyinə görə, “ABAD”la iş birliyi onun fəaliyyətinə çox böyük rahatlıq gətirib:

“ABAD”dan öncə məhsullarım üçün satış məntəqələrini özüm bir-bir axtarırdım, heç biri də daimi əsaslarla deyildi. Lakin “ABAD” var, artıq çox rahatam. Mənə düşündürən yalnız fəaliyyətimi genişləndirib, məhsullarımı beynəlxalq bazara necə çıxarmaqdır. Ona da birgə nail olarıq”.

Qeyd edək ki, Rauf Seyidzadənin əl işləri ilə “ABAD” etno-butiklərində tanış ola bilərsiniz.