News

"ABAD" işğaldan azad edilmiş ərazilərin sakinlərinə təqdim olunub

17 sentyabr 2024-cü il tarixində “ABAD” publik hüquqi şəxsin direktoru Rüfət Elçiyev Füzuli şəhərində Kurmanqazı adına Uşaq Yaradıcılıq Mərkəzində işğaldan azad olunmuş ərazilərdə yaşayan yerli sakinlərlə görüşüb.Görüş çərçivəsində qurumun fəaliyyətinə dair təqdimat edilib. Həmçinin sözügedən ərazilərdə biznesin inkişafı üçün dövlət tərəfindən yaradılan geniş imkanlar, vergi güzəştləri və digər dəstək mexanizmləri diqqətə çatdırıb. Bundan başqa yeni biznes qurmaq istəyənlər üçün “ABAD”ın təklif etdiyi unikal dəstək proqramı diqqətə çatdırıılıb.Təqdimat sual-cavab sessiyası ilə yekunlaşıb.Tədbirdə “ABAD”çı olmaq istəyən sakinlər qeydiyyata alınıblar. Onların “ABAD”a qoşulmaları istiqamətində müvafiq proseslər ən yaxın zamanda həyata keçiriləcəkdir.Görüşdə Ağdam, Füzuli və Xocavənd rayonları üzrə xüsusi nümayəndəliyin, Kənd Təsərrüfatı Nazirliyinin, İqtisadiyyat Nazirliyinin, Əmək və Əhalinin Sosial Müdafiəsi Nazirliyinin və Turizm Agentliyinin nümayəndələri də iştirak ediblər.

18.09.2024

Leyla Əliyeva gənc arıçılar ilə görüşüb

Leyla Əliyeva görüşdə gənc arıçılarla səmimi söhbətlər edib, onların fəaliyyəti ilə maraqlanıb, arıçılıq sahəsindəki ilk təcrübələri və məhsuldarlıqla bağlı təəssüratlarını dinləyib. Öz növbəsində, gənc arıçılar Leyla Əliyevaya göstərdiyi diqqət və dəstəyə görə minnətdarlıqlarını bildiriblər. Onlar süzdükləri ilk balı xüsusi qablaşdırmada Leyla Əliyevaya hədiyyə ediblər.Qeyd edək ki, 2021-ci ildən başlayaraq IDEA İctimai Birliyinin təşəbbüsü və “ABAD” publik hüquqi şəxs, Azərbaycan Respublikasının Gənclər Fondu, Dövlət Məşğulluq Agentliyinin tərəfdaşlığı ilə həyata keçirilən “Gənc arıçı” layihəsinin növbəti mərhələsi çərçivəsində Qəbələ rayonunda 20 gənc arıçı dəstəklənib və onlar artıq özlərinin ilk məhsullarını əldə etməyə başlayıblar. Məqsədi biomüxtəlifliyin qorunmasına töhfə vermək, arıçılıq təsərrüfatının ekosahibkarlıq növü kimi yayılmasını təşviq etmək, təbii bal istehsalını dəstəkləmək və gənc ailələrin maddi rifahını yaxşılaşdırmaq olan layihə çərçivəsində seçilən 20 nəfər gəncə peşəkar bal istehsalçısı olan “ABAD”çı Yusif Quliyev tərəfindən xüsusi təlimlər keçirilib. Təlimləri başa vuran gənclər arıçılıq təsərrüfatı üçün zəruri arı ailəsi və pətəkləri, arıçı geyimi, balsüzən aparat və digər ləvazimatlarla tam təchiz olunublar və onlara səmərəli fəaliyyətləri istiqamətində lazımi şərait yaradılıb. Gənc arıçılar, həmçinin məhsulların sertifikatlaşdırılması, brendləşdirilməsi, dizaynı və satışın təşkili dəstəyi ilə təmin ediləcəklər. Bu dəstək bazar iqtisadiyyatı şəraitində rəqabətədavamlı bal istehsalı mərhələsinə çatması üçün gənc arıçıların öz məhsullarını geniş müştəri bazarına çıxarmalarına və satışının səmərəli təşkilinə xidmət edəcək.

30.08.2024

“ABAD”çı məhsulları daha bir marketlər şəbəkəsində təqdim olunur

“ABAD” tərəfindən dəstəklənən ailə təsərrüfatlarının məhsulları daha bir iri supermarketlər şəbəkəsininin rəflərində yerini alıb.Belə ki, artıq “ABAD”çı ailələrin məhsullarını premium sayılan və qida çeşidi ilə seçilən “Kontinental” marketlərindən əldə etmək mümkündür.Burada təqdim olunan müxtəlif çeşiddə məhsullar “ABAD”çı ailə təsərrüfatları tərəfindən hazırlanıb. Məhsullar “ABAD” ın ailələr üçün formalaşdırdığı brend və dizayn altında təqdim olunur.“ABAD”çı ailələrin hazırladığı məhsullar tam təbiidir və tərkibində heç bir kimyəvi qatqı yoxdur. Bu məhsullar ailə təsərrüfatlarına “ABAD” tərəfindən təqdim olunmuş avadanlıqlardan istifadə etməklə hazırlanıb. Hər bir məhsul zəruri yoxlamalardan keçərək, müvafiq şəhadətnamələr ilə təmin edilib.Ünvanlar:1. Nizami 108A;2. Həsən Əliyev 51;3. İnşaatçılar pr.31A.

29.08.2024

“ABAD” Səhiyyə TV ilə əməkdaşlıq edəcək

25 iyul 2024-cü il tarixində “ABAD” publik hüquqi şəxs və “Medical Media” rəhbərliyi arasında görüş keçirilib. Tanıtım xarakteri daşıyan bu görüşdə hər iki qurumun təqdimatı keçirilib.Səhiyyə, o cümlədən təbii məhsul, düzgün qidalanma, sağlam yaşayış tərzi və s. kimi sahələrdə qarşılıqlı araşdırmaların əhəmiyyətini vurğulayaraq iki qurum arasında gələcək əməkdaşlıq perspektivləri müzakirə olunub.Həmçinin “ABAD”ın rəsmi nümayəndələri üçün Səhiyyə TV studiyalarına infotur təşkil olunub. Tur zamanı təkliflər səsləndirilib, müzakirə edilən məsələlər üzrə qarşılıqlı razılıq əldə olunub.Görüş “ABAD”çılar tərəfindən hazırlanan xatirə hədiyyəsinin təqdim olunması ilə yekunlaşıb.

26.07.2024

“ABAD” və “R Group Holding”in rəhbərliyi arasında görüş keçirilib

24 iyul 2024-cü il tarixində “ABAD” publik hüquqi şəxs və “R Group Holding” MMC arasında görüş keçirilib.Görüşdə Azərbaycanda fermer və aqro sahəsində satış kanallarının inkişafı ilə bağlı aktual məsələlər müzakirə edilib.“ABAD” publik hüquqi şəxsin direktoru Rüfət Elçiyev kənd təsərrüfatı sahəsində fəaliyyət göstərən sahibkarların “ABAD” sayəsində təsərrüfatlarını inkişaf etdirməklə geniş bazarlara çıxışı barədə danışıb. “R Group Holding” MMC-nin icraçı direktoru Əbdül Əliyev isə fermerlər üçün, onların məhsullarının tanıtımı məqsədi ilə şirkətin yeni texnoloji həllərini təqdim edərək, bu sahədə bazar iştirakçıları üçün daha münbit şəraitin formalaşması və satışların daha rahat şəkildə həyata keçirilməsi istiqamətində səmərəli nəticələrin əldə oluna biləcəyini qeyd edib.Bundan sonra iki qurum arasında konkret tematik məsələlər üzrə birgə layihə və təşəbbüslərin həyata keçirilməsi məqsədi ilə müvafiq müzakirələr davam etdirilib. Görüş “ABAD”çılar tərəfindən hazırlanan xatirə hədiyyəsinin təqdim olunması ilə yekunlaşıb.

25.07.2024

"ABAD" “Gənc arıçı” layihəsində uğurla iştirak edir

“Yaşıl dünya naminə həmrəylik ili” və BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyası (COP29) çərçivəsində Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyevanın təşəbbüsü ilə həyata keçirilən “Gənc arıçı” layihəsi Qəbələ rayonunda uğurla davam edir.Layihə IDEA İctimai Birliyi, “ABAD” publik hüquqi şəxs, Azərbaycan Respublikasının Gənclər Fondu və Dövlət Məşğulluq Agentliyinin birgə təşkilatçılığı ilə həyata keçirilir. Layihə gənclər və gənc ailələr üçün arıçılıq təsərrüfatının yaradılması və düzgün inkişaf etdirilməsinə istiqamətlənib. Layihə çərçivəsində seçilən 20 gəncə və gənc ailəyə peşəkar mütəxəssislərin iştirakı ilə bir aylıq təlim proqramı keçirilib.Təlimləri başa vuran gənclər rəsmi nümayəndələr, o cümlədən “ABAD” publik hüquqi şəxsin direktoru Rüfət Elçiyev tərəfindən sertifikatlarla təltif olunub, onlara arıçılıq təsərrüfatı üçün lazım olan arı ailələri və pətəkləri, arıçı geyimi, balsüzən aparat və digər ləvazimatlar təqdim edilib və gənc arıçılara istehsalat prosesini effektiv icra etmələri üçün lazımi şərait yaradılıb.Gənc arıçıların iki il ərzində təbii artım vasitəsilə pətək saylarının çoxaldılması üçün təsərrüfatları mütəxəssislər tərəfindən mütəmadi olaraq monitorinq ediləcək və onlara zəruri məsləhətlər veriləcəkdir. Bazar iqtisadiyyatı şəraitində rəqabətə davamlı bal istehsalı mərhələsinə çatması üçün yeni arıçılara öz məhsullarını sərgiləməklə geniş müştəri bazasına çıxış əldə etməyə və satışın səmərəli təşkilinə köməklik göstərilməsi planlaşdırılıb.Xatırladaq ki, layihə 2021-ci ildən icra olunmağa başlanıb. Layihənin məqsədi biomüxtəlifliyin qoruyucusu olan arıların ölkəmizdə arealını artırmaq, arıçılıq təsərrüfatının ekosahibkarlıq növü kimi Azərbaycanın bölgələrində yayılmasını təşviq etmək, təbii bal istehsalının təmin olunmasına dəstək vermək, gənc ailələrin maddi rifahının yaxşılaşdırılmasına töhfə vermək və gənclərin məşğulluğunu təmin etməkdir.