Xəbərlər

İkinci “SmFreshOil by ABAD” stendinin açılışı baş tutdu

27 aprel 2023-cü il tarixində "BRAVO" marketlər şəbəkəsinin “20 Yanvar” filialında “ABAD” publik hüquqi şəxsin dəstəyi ilə ikinci “SmFreshOil by ABAD” stendinin açılışı baş tutub.Tədbirdə “SmFreshOil” brendinin sahibi “ABAD”çı Maya Səbzəliyeva, “ABAD” publik hüquqi şəxsin rəsmi nümayəndləri, bir sıra tanınmış şəxslər və blogerlər iştirak edib.Qeyd edək ki, bu stenddə də müştərilərin gözü önündə soyuq sıxım yağlar və çərəzlərdən müxtəlif əzmələr hazırlanaraq yerindəcə müştərilərə təqdim olunacaq.Bundan başqa, “SmFreshOil by ABAD“ stendində həmçinin müxtəlif çeşid sağlamlığa faydalı məhsulların satışı həyata keçiriləcəkdir:- Soyuq sıxım yağlar;- Əzmələr;- Qlütensiz unlar;- Məcunlar və orqanik şokolad pastaları;- Bəhməz və s.Ünvan: Tbilisi prospekti, 3007-ci məhəllə (20 Yanvar m/s yanı), "BRAVO" Hipermarket.Xatırladaq ki, ilk “SmFreshOil by ABAD” stendi "BRAVO" Koroğlu hipermarketində ötən ilin aprelindən uğurla fəaliyyət göstərir.

27.04.2023

“ABAD” Yasamal rayonu sahibkarları ilə görüş keçirdi

13 aprel 2023-cü il tarixində Yasamal rayon İcra Hakimiyyətinin inzibati binasında “ABAD” publik hüquqi şəxsin sahibkarlarla görüşü baş tutdu. Görüşdə “ABAD” publik hüquqi şəxsin direktoru Rüfət Elçiyev və RİH başçısının I müavini Hüseyn Əfəndiyev iştirak ediblər.Görüşü giriş sözü ilə açan RİH başçısının I müavini sahibkarlığın inkişafı istiqamətində xalqımızın Ümummilli Lideri Heydər Əliyevin prinsip və ənənələrinin bu gün dövlət başçısı cənab İlham Əliyev tərəfindən qətiyyətlə davam etdirildiyini vurğulayaraq, ötən illər ərzində həyata keçirilən layihələr haqqında görüş iştirakçılarına məlumat verdi. Hüseyn Əfəndiyev həmçinin “ABAD” mərkəzləri şəbəkəsinin genişləndirilməsinin davam etdirilməsi və iri şirkətlər tərəfindən ailə təsərrüfatlarının dəstəklənməsinin təşviqindən də söz açdı.Görüşdə iştirak edən “ABAD” publik hüquqi şəxsin direktoru Rüfət Elçiyev bildirib ki, “ABAD”ın fəaliyyəti Azərbaycan Respublikasının sosial-iqtisadi inkişafında vətəndaşların fəal iştirakına, mikro, kiçik və orta sahibkarlığın inkişafına, əhalinin məşğulluq səviyyəsinin artırılmasına və rəqabətqabiliyyətli ailə təsərrüfatlarının formalaşdırılmasına dəstək verməyə istiqamətlənib. Bundan başqa o, görülmüş işlər və gələcəkdə nəzərdə tutulmuş layihələr haqqında sahibkarlara məlumat verib.Tədbir daha sonra qarşılıqlı fikir mübadiləsi və sual-cavab şəklində davam etdirilib, sahibkarları maraqlandıran suallar cavablandırılıb.

14.04.2023

"ABAD" etno-butikində "Ənənəvi Novruz" festivalı keçirilib

16 mart tarixində artıq ənənəyə çevrilmiş və tarixi Haci Bani hamamında yerləşən “ABAD” etno-butikində növbəti “Ənənəvi Novruz” adlı festival keçirilib.“ABAD” tərəfindən sənətkarların əl işlərinin satışının həyata keçirilməsi məqsədilə yaradılmış etno-butiklərin ən birincisi “İçərişəhər” Dövlət Tarix-Memarlıq Qoruğunun ərazisində 2017-ci ilin Novruz bayramı ərəfəsində təşkil edilib. Məhz o zamandan İçərişəhər etno-butikində “ABAD” tərəfindən Novruz bayramının qeyd edilməsi bir ənənəyə çevrilib.Hər il olduğu kimi bu il də interaktiv festivalda qonaqlara meydan tamaşaları, rəngarəng oyunlar (yumurta döyüşü, papaqqapdı və s.), qədim el sənətləri, xalq mahnıları və rəqsləri, Novruz şirniyyatları, ustad dərsələri, Novruz falları nümayiş olunub. Eləcə də “ABAD”ın bir neçə yenilikləri təqdim olunub: "Leyli və Məcnun" milli mebel kolleksiyası, milli motivli geyim kolleksiyası, yeni "ABAD"çıların məhsulları və s.Bundan başqa bu ilin yeniliklərindən biri olan dekorativ xoruz döyüşdürmə oyunu da xüsusi marağa səbəb olub. Döyüşün qalıbləri isə “ABAD”dan suvenir hədiyyələr qazanıblar.

17.03.2023

"ABAD" Zirvə görüşündə təqdim olundu

2 mart 2023-ci il tarixində Bakı Konqress Mərkəzində Qoşulmama Hərəkatının COVID-19-a qarşı mübarizə üzrə Təmas Qrupunun Zirvə görüşü işə başlayıb.Görüşdə Azərbaycan Respublikasının Prezidenti cənab İlham Əliyevlə yanaşı 70-ə yaxın ölkənin dövlət və hökumət başçıları, yüksək səviyyəli nümayəndələri, beynəlxalq təşkilatların rəhbərləri və s. qatılıblar.“ABAD” publik hüquqi şəxs bu tədbirdə xüsusi sərgi stendi ilə təmsil olunur. Görüş müddətində stendin qarşısında xarici ziyarətçilərə milli dekorativ-tətbiqi xalq sənətkarlıq nümunələri, o cümlədən xalçaçılıq, misgərlik, zərgərlik, oymaçılıq, dulusçuluq, rəngkarlıq, dabbaqlıq və s. haqqında geniş məlumat verilib.

03.03.2023

“ABAD”ın əməkdaşı Hindistanda təlimdə iştirak edib

“ABAD” publik hüquqi şəxsin əməkdaşları mütəmadi olaraq öz potensiallarını, bilik və bacarıqlarını inkişaf etdirmək məqsədi ilə müxtəlif yerli və beynəlxalq təlim proqramlarında iştirak edir. Bu günədək, əməkdaşlarımız Çin, Yaponiya, Şimali İrlandiya Birləşmiş Krallığı, Xorvatiya, Bolqarıstan, Portuqaliya, Mərakeş, İtaliya və s. kimi ölkələrdə keçirilən müxtəlif təlim proqramları və seminarlarda iştirak ediblər. Növbəti belə bir təhsil səfəri “Hindistan Texniki və İqtisadi Əməkdaşlıq” (ITEC) proqramı çərçivəsində Hindistanın Noida şəhərində yerləşən Jaipura İdarəçilik İnstitutuna baş tutub. “ABAD” publik hüquqi şəxsin Dekorativ-tətbiqi xalq sənətkarlığı departamentinin layihə meneceri Rəşad Mütəlibov 9-27 yanvar 2023-cü il tarixlərində “Kiçik və Orta Sahibkarlıq Müəssisələrində liderlik DNT-sinin ortaya çıxarılması” mövzusunda təlimdə iştirak edib. Təlimdə Azərbaycanla birgə, Argentina, Rusiya Federasiyası, Tacikistan, Şri-Lanka da daxil olmaqla 18 ölkədən nümayəndə iştirak edib. Təlimlər çərçivəsində Rəşad Mütəlibov tərəfindən “ABAD” publik hüquqi şəxs və onun fəaliyyət istiqamətləri barədə səfər heyətinə ətraflı təqdimatlar keçirilib. Səfərin son həftəsində iştirakçılar UNESCO Ümumdünya Mədəni İrs siyahısına daxil olan Tac Mahal və digər möhtəşəm memarlıq abidələri ilə tanış olublar.

26.01.2023

"ABAD" "ASAN xidmət"in 10 illiyinə həsr olunmuş Forumda təmsil olunub

15 dekabr 2022-ci il tarixində Gülüstan sarayında Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin təşkilatçılığı ilə “Müasir İdarəetməyə Gedən Yol: Dayanıqlı və İnnovativ Dövlət Xidmətlərinə Doğru” mövzusunda beynəlxalq Forum keçirildi.“ASAN xidmət”in 10 illiyinə həsr olunmuş Forumda müxtəlif ölkələrdən, beynəlxalq təşkilatlardan və platformalardan, eləcə də innovasiyalar üzrə nüfuzlu şirkətlərdən ümumilikdə 50-yə yaxın xarici qonaq iştirak edib.“ABAD” publik hüquqi şəxs bu mötəbər tədbirdə öz xüsusi sərgi stendi ilə təmsil olunub. Forum müddətində dekorativ-tətbiqi xalq sənət növlərinindən olan, o cümlədən zərgərlik, taxta üzərində oyma, dulusçuluq, rəngkarlıq, toxuma və s. “ABAD”çı məhsulları yerli və xarici ziyarətçilər tərəfindən böyük maraqla qarşılanıb.