“Pebble art” sənəti üzrə fəaliyyət göstərən ABADçımız Nigar Ələnurlu Xaçmaz rayonunda anadan olub. Xaçmazda Nigar xanımın ailəsi incəsənət yönümlülüyü ilə tanınır:

“Uşaqlıqdan əl işlərinin hazırlanmasının həvəskarı idim, ilkin etapda muncuqlarnan işləyirdim, daha sonra oriqami ilə maraqlandım. İndi isə “pebble art” sənətinin vurğunuyam”.

Valideynlərinin də sənətkarlıq bacarıqları olmasına baxmayaraq, ailədə bu hobbini “ABAD” vasitəsilə biznesə çevirən bir tək Nigar xanım oldu:

“Pebble art”, yəni kiçik çay daşlarından rəsmlər, insan emosiyalarını, onların ruh halını çox qeyri-adi bir formatda təsvir etmək mümkündür. Əl işlərim həm yerli əhali, həm xarici turistlər tərəfindən sevilir. Bu da mənə yeni ideyalar axtarışında olmağa təkan verir”.