Fazil Ağasiyev ət məhsullari istehsalçısıdır. 2018-ci ildən “ABAD” sıralarına qoşularaq Quba “ABAD Factory” İstehsalat kompleksində kolbasa istehsalı ilə məşquldur.

“İxtisasca xalq təsərrüfatının əmtəəşünas və ticarət təşkilatçısıyam. Karyeramı da elə ixtisasıma görə qururdum. Xırdalan qusçuluq fabriki, Xırdalan südçülük sovxozu, Bakı ət kombinatı və s. qurumlarda əmtəəşünas kimi fəaliyyət göstərmişəm.”

F.Ağasiyevin sahib olduğu şəxsi təsərrüfatı mövcuddur. O, təsərrüfatında saxladıldığı mal-qaradan əldə olunan ətin xammal şəklində satışını 15 ilə yaxındır ki həyata keçirir.

“Doğma Quba rayonumuzda “ABAD” istehsalat kompleksinin açılışı haqqında eşidəndə bu fürsətdən istifadə edərək təsərrüfatımdan olan xammaldan kolbasa məhsullarının istehsalı biznesini qurmaq qərarına gəldim. “ABAD”çı olandan sonra burada çalışan peşəkar qida texnoloqlarının orijinal reseptlərinə uyğun 100% təbii, kimyəvi qatqısız və bütün standartlara cavabdeh olan məhsulların istehsalı ilə məşquluq oluruq. Burada quraşdırılan istehsal avadanlıqları sayəsində məhsulumuz keyfiyyətli və gözəl alınır. Laborator analizlərinin də elə burada “ABAD Factory”də keçirilməsi bizim işimizi lap asanlaşdırıb. ”

Hazırda Quba “ABAD” Factory-də Ağasiyevlər ailəsinin istehsal etdiyi Doktorskaya və Toyuq kolbasaları ölkənin ən iri marketlər şəbəkəsində satışa çıxarılır.