News

"ABAD" publik hüquqi şəxsin 2019-cu il hesabatı

“ABAD” publik hüquqi şəxs 2019-cu il ərzində də öz fəaliyyətini uğurla davam etdirdi. Bir il ərzində ABADçıların sayı 105 nəfər artaraq 421-ə çatıb.Cari ildə mərkəzlərin də sayında artım olub. Belə ki, "Paşa Holdinq"in dəstəyi ilə 4 yeni “ABAD” Bakaleyası və stendi “Gənclik Mall”, “20 yanvar” m/s yaxınlığı, “Babək” prospekti və Əhmədli qəsəbəsində yerləşən “Bravo” hipermarketlərində açılaraq sayları 5-ə çatıb. Dekorativ-tətbiqi xalq sənətkarlıq nümunələrinin satışının yer aldığı “ABAD” etno-butiklərin də sayı artaraq 9-a çatıb. Belə ki, artıq Masallı “ASAN Həyat” kompleksi ərazisində də yeni satış mərkəzi fəaliyyət göstərir.Bundan başqa, Şamaxıda “ASAN Həyat” kompleksinin nəzdində daha bir “ABAD Food Hall” fəaliyyətə başlayıb. “ABAD” PHŞ əməkdaşları və ABADçılar Yaponiya, Malayziya, Çin, Xorvatiya, Türkiyə kimi ölkələrdə bir çox yerli və beynəlxalq təlim və sərgilərdə iştirak edib.2019-cu ildə “ABAD”ın fəaliyyəti çərçivəsində yaddaqalan tədbirlərdən biri də Şəkidə "ABAD" Keramika və Tətbiqi Sənət Mərkəzində "Təbiətdən Tarixə" adlı Keramika üzrə ilk Beynəlxalq Simpoziumun keçirilməsi oldu. İki həftə ərzində Azərbaycan da daxil olmaqla 15 ölkədən olan xarici iştirakçı-keramistlər Mərkəzdə açıq səma altında heykəltaraşlıq kompozisiyaları yaratdılar.Çox sevindirici hallardan biri də odur ki, qida məhsullarının istehsalı sahəsində məhsulların çeşidi artıb. Artıq “Bravo” marketlər şəbəkəsində ABADçı istehsalı olan təbii yeni pendir və kolbasa növləri, kompotlar; meyvə şirələri və digər içkilər; pomidor turşusu; badımcan kürüsü; balqabaq tumu, qara zirə, kokos, badam və kərə yağları; meyvə quruları, un, çay, sarımsaq tozu, pelmeni, vareniki, düşbərələr, fındıq əzmələri əldə etmək mümkündür.İl ərzində “ABAD” publik hüquqi şəxs Memorandum və Niyyət protokolu imzalayıb. Memorandum “ABAD” və AMEA-nın Şəki Regional Elmi Mərkəzi (ŞREM) arasında əməkdaşlıq və qarşılıqlı fəaliyyətə dair, Niyyət Protokolu isə “ABAD” publik hüquqi şəxs və Qazaxıstan Respublikasının Türkistan vilayətinin icra hakimiyyəti arasında imzalanıb.2019-cu ilin fevral ayında “ABAD” publik hüquqi şəxs kiçik və orta sahibkarlığın inkişafına verdiyi töhfələrə görə Azərbaycanda ən nüfuzlu biznes mükafatı sayılan “Uğur 2018” Milli Mükafatına layiq görülüb.

07.01.2020

“DrinkART: bir fincan incəsənət” sərgisi baş tutdu

Bakının tarixi guşəsi olan İçəri Şəhər ərazisində yerləşən “Art Tower” qalereyasında Azərbaycan Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində fəaliyyət göstərən “ABAD” - Ailə Biznesinə Asan Dəstək publik hüquqi şəxsin və ADA Universitetinin təşəbbüsü, “Yaşıl ASAN” və “Arts Council”in təşkilati dəstəyi ilə “DrinkART: bir fincan incəsənət” sərgisi baş tutdu. Sərgi təşkilatçı qurumların rəsmi nümayəndələrinin giriş nitqi ilə açıq elan edildi. Qeyd olundu ki, layihənin məqsədi ətraf mühitin plastik və digər növ tullantılardan qorunması ilə yanaşı incəsənəti təbliğ etməkdir. Layihənin ilk mərhələsində “ABAD”ın İçərişəhər etno-butiki, ADA Universiteti və “Arts Council”ın ərazilərində istifadə olunmuş plastik və karton fincanların toplanması üçün “Yaşıl ASAN”ın xüsusi konteynerləri yerləşdirildi. Toplanmış tullantılar üzərində ABADçı rəssamlar, ADA Universitetinin istedadlı tələbələri və könüllü rəssamlar müxtəlif tanınmış milli və beynəlxalq rəsm əsərlərini həmçinin də öz fantaziyalarını əks etdirdilər. Qeyd edək ki, xeyriyyə məqsədi ilə “ASAN Məktub" layihəsi çərçivəsində uşaqların arzularını reallaşdırmaq üçün fincanlar simvolik qiymətlərə iştirakçılar tərəfindən əldə edildi. Xatırladaq ki, “DrinkART: bir fincan incəsənət” layihəsi davam edir. Üzərində rəsm çəkilmiş fincanları İçərişəhərdə yerləşən “ABAD” etno-butikində əldə edərək “ASAN Məktub” layihəsinə dəstək ola bilərsiniz.

29.12.2019

“DrinkART - bir fincan incəsənət” layihəsinə start verildi

“ABAD” və ADA Universitetinin təşəbbüsü, “Yaşıl ASAN” və “Arts Council”in təşkilati dəstəyi ilə “DrinkART: bir fincan incəsənət” layihəsinə start verildi. Layihənin məqsədi ətraf mühitin plastik və digər növ tullantılardan qorunması ilə yanaşı incəsənəti təbliğ etməkdir. Layihə çərçivəsində “ABAD”ın İçərişəhər etno-butiki, ADA Universiteti və “Arts Council”in ərazilərində istifadə olunmuş plastik və karton fincanlarının “Yaşıl ASAN”ın xüsusi konteynerlərində toplanması nəzərdə tutulur. Toplanmış tullantılar üzərində könüllü rəssamlar müxtəlif tanınmış milli və beynəlxalq rəsm əsərlərini həmçinin də öz fantaziyalarını əks etdirəcəklər. Sonda hazırlanmış fincanlar sərgilənərək simvolik qiymətlərlə auksiyonda satışa çıxarılacaq. Layihə əsasında toplanmış vəsait xeyriyyə məqsədi ilə “ASAN Məktub" çərçivəsində uşaqların arzularını reallaşdırmaqda dəstək olacaq.

09.12.2019

Daha bir “ABAD Food Hall” açıldı

Dekabrın 5-də Azərbaycan Respublikasının Prezidenti İlham Əliyev iştirakı ilə Şamaxıda “ASAN Həyat” kompleksinin və onun nəzdində fəaliyyət göstərən “ABAD Food Hall”-un açılışı baş tutub. Şamaxı “ABAD Food Hall” sayca üçüncü sərgi salonudur. Burada ABADçılar tərəfindən qeyri-sənaye üsulu ilə hazırlanmış qıda məhsullarının sərgi-satışı təşkil ediləcək. Qeyd edək ki, ilk “ABAD Food Hall” 2018-ci il 22 oktyabr tarixində İmişli rayonunda “ASAN Həyat” kompleksinin, ikincisi isə 2019-cu il oktyabrın 29-da Şəki "ASAN Həyat" kompleksinin nəzdində fəaliyyətə başlayıb.

06.12.2019

“ABAD” “Türkistan: bir yol – bir tarix” forumunda iştirak edir

Noyabr ayının 4-ü Qazaxıstan Respublikasının Türkistan vilayətində “Türkistan: bir yol – bir tarix” Beynəlxalq Turizm İnvestisiya Forumu start verib. Forumda “ABAD”ın nümayəndə heyəti Türkistan vilayəti və “ABAD” PHŞ arasında imzalanan Niyyət protokolu çərçivəsində ABADçıların əl işlərindən ibarət stend ilə çıxış ediblər. Tədbir dəvələrin yürüşü, "İpək yolu" foto sərgisi və Türküstan bölgəsinin turizm potensialının video təqdimatı ilə start verib. Forumun tərkibində “Taiqazan” qastronomik festivalı və “Silk Road Craftsman 2019” türk dövlətlərinin dekorativ-tətbiqi xalq sənətkarlıq nümunələrinin sərgisi keçirilib. ABADçı-sənətkarlar sərgi çərçivəsində də öz məharətlərini göstərərək master-klaslar keçirib. Qeyd edək ki, “ABAD” PHŞ və Qazaxıstan Respublikasının Türkistan vilayətinin icra hakimiyyəti arasında Niyyət protokolu 5 iyul 2019-cu il tarixində Bakı şəhərində imzalanıb. Sənəd Azərbaycanın “ABAD” modeli əsasında Qazaxıstan Respublikasının Türkistan vilayətində sənətkarlıq sahəsi üzrə mikro və kiçik sahibkarlığın daha da inkişaf etdirilməsi məqsədini nəzərdə tutur.

05.11.2019

“ABAD”ın eksperti italyan mətbuatının diqqət mərkəzində

Artıq bir neçə gündür ki, İtaliya KİV-ləri “ABAD”a ekspert kimi dəvət olunan gənc italyan texnoloqunun Azərbaycanla bağlı təəsüratları, yerli əhalinin qonaqpərvərliyi və ABADçılarla olan təcrübəsi haqqında məqalələr dərc edir.Texnoloq Anjelo Manna Siciliyada “Agrirape” fermasının sahibidir, cem və marmelad məhsullarının istehsalında ekspert olaraq çalışır. Gənc ekspert BP şirkəti və onun tərəfdaşları tərəfindən Azərbaycan şirkətlərinin inkişaf etdirilməsi məqsədi ilə maliyyələşdirilən və təlim, treyninq, bacarıqların inkişaf etdirilməsi xidmətlərini göstərən şirkət, “Ekvita”-nın icraedici partnyoru olduğu “Sahibkarlığın İnkişafı Proqramı” çərçivəsində ABADçılara yeni texnologiyalarla cem və marmeladın istehsalı üçün seçimdə qalib gəlib. ABADçılara dəstək proqramı 40 gün davam edib.Məqalələrdə ekspert Anjelo unudulmaz təcrübəsi haqqında bölüşüb:“Seçimdə qalib gələn andan etibarən Azərbaycan haqqında informasiya əldə etdim və təhlükəsizlik səviyyəsini araşdırdım. Buranın təhlükəsizliyi haqqında oxuduğum məlumatlar məni çox sevindirdi. Mən Azərbaycanın Masallı və Balakən regionlarında oldum. ABADçılarnan iş birliyimiz oldu. Amma təlimçi, yəni öyrədən tərəftək mən olmadım, məni də burada Azərbaycanda çayla içilən ənənəvi “mürəbbə” adlandırılan məhsul ilə tanış etdilər. Cemdən fərqli olaraq siropun içində meyvələrüzür. Ən maraqlısı isə badımcan mürəbbəsi idi. Hazırda bu məhsulları İtaliyada da hazırlamağı düşünürük...”. Təəsüratları ilə bölüşən Manna onu da əlavə edir ki:“Mən burada gənclərin həvəsinə, yeni biliklər əldə etmək istəyinə və ümumiyyətlə qonaqpərvərliklərinə heyran oldum və hər zaman da bunlar mənim yaddaşımda qalacaq. Burada bir çox dost qazandım və bununla da fəxr edirəm”.Ətraflı:- https://www.lasicilia.it/news/enna/298256/in-azerbaijan-la-marmellata-segue-la-ricetta-siciliana.html- https://sicilianews24.it/angelo-manna-confetture-azerbaijan-547167.html- https://cronachedigusto.it/component/content/article/317-liniziativa/25649-sviluppare-lagricoltura-in-azerbaijan-unazienda-siciliana-spiega-come-fare-le-conserve.html