Asim Abbasov Şəki rayonunun ziyalı ailəsində dünyaya gəlib. Valideyinləri, bacı və qardaşı texniki elmlər mütəxəssisləridir. Uşaq yaşlarından kiçik Asimdə incəsənətə meyil görən valideyinləri onu fizika-riyaziyyat və humanitar təmayüllü liseydə oxutmaqla parallel Şəki Uşaq İncəsənət məktəbinində rəssamlıq üzrə dərs almağına da şərait yaratmışdırlar.

“Ali təhsilimi də elə incəsənət yönümlü davam etməyi qərar verdim. Azərbaycan Dövlət Mədəniyyət və İncəsənət Universitetinin Beynəlxalq münasibətlər fakültəsinin məzunuyam. Magistr dərəcəsini də həmin universitetin Mədəniyyətşünaslıq ixtisası üzrə bitirmişəm. Lakin bütün bu illər rəssamlıq fəaliyyətim ilə də aktiv məşqul olurdum”.

A.Abbasovun dediyinə görə, rəssamlıq ailəminə “giriş kartını” o rəssam dostları ilə birgə “Artclub” qalereya, emalatxana və kafe layihəsini təsis etdiyindən sonra qazandı. Burada dövrümüzün bir çox tanınmış və yeni addımlar atan həm yerli, həm xarici rəssam, heykəltaraş və incəsənət adamları üçün bir şəbəkə yaradıldı.  “ABAD”la da həmçinin Asim bəy “Artclub” vasitəsi ilə tanış oldu.

“ABAD”a qoşulduğum zaman rəngkarlıq suvenirlərinin reallaşdırılması üzrə çalışırdım. Sonra isə “ABAD” Şəkidə Keramika və Tətbiqi Sənət mərkəzi açdıqdan sonra burada keramika ilə tanış oldum, keramika aləminin vurğunu oldum və yaradıcılığımı bu istiqamətə yönəltdim. Artıq bir neçə ildir ki “ABAD” Keramika və Tətbiqi Sənət mərkəzinin daimi rəssam-keramisti kimi çalışıram. Gələcəkdə keramika sərgilərinin təşkili ilə mədədiyyətimizin bu sahələrini dünyaya tanıtmaq və sevdirmək niyyətindəyəm.”