Arzu Xəlilova 2017-ci ildə “ABAD”, UNDP və Avropa İttifaqının birgə olan “Balakən regional “ABAD” mərkəzi vasitəsilə Şəki-Zaqatala iqtisadi zonasında kiçik ailə təsərrüfatlarının inkişafına dəstək” layihəsi çərçivəsində seçilmiş 44 iştrakçıdan biridir. O, Balakən rayon Mahamalar kəndində anadan olub. Mingəçevir Turizm kollecinin məzunudur:

“Anam dərzi işləyib və sözsüz ki, tikiş, toxuma bizim ailəyə yad olmayan sənətlərdi. Özüm Balakən rayon Talalar kənd Sənətkarlıq Evində mədəni-təşkilatçı vəzifəsində çalışıram. İşimlə əlaqədar bir çox tədbir, festival və dekorativ-tətbiqi xalq sənətkarlığı yarmarkalarında iştirak edirəm. Sözsüz ki, bu sərgilərdə gördüklərim şuurumdan yan keçmədi. Orada da seyr etdiyim toxuma işləri məni də bu sənət ilə daha yaxından tanış etməyə vadar etdi”.

3 il öncə Şəki-Zaqatala bölgəsində yeni layihə haqqında elan verildikdən həmən sonra A.Xəlilova Balakən “ABAD” regional mərkəzə müraciət etdi. Layihədə özünə yer ayıra bildi. Xalçaçılıq istiqamətini seçərək instensiv təlimlərə qoşuldu.:

“Hazırda kiçik ölçüdə xalçalar toxuyuram. Gələcəkdə xalçaçılıq sənətini daha dərindən öyrənərək, böyük ölçüdə xalçalar toxumaq arzusundayam”.

Qeyd edək ki, “ABAD”, UNDP və Aİ-nin birgə “Balakən regional “ABAD” mərkəzi vasitəsilə Şəki-Zaqatala iqtisadi zonasında kiçik ailə təsərrüfatlarının inkişafına dəstək” layihəsi çərçivəsində 44 “ABAD”çının məhsulları “ABAD” etno-butik və bakaleyalarında satışa çıxarılır.