Kamil Alqayev Balakən rayonu Gərəkli kəndində anadan olub. .Azərbaycan Dövlət Neft Akademiyasının İstehsalat Proseslərinin  Avtomatlaşdırılılması fakültəsinin Avtomatlaşdırılmış İdarəetmə Sistemləri ixtisasını bakalavr dərəcəsi ilə bitirdiyinə baxmayaraq könlü hər zaman bədii oyma sənətinə idi:

“Uşaqlıqdan rəsm çəkməyə və oyma sənətinə həvəsim var idi, amma buna bir hobbi kimi baxırdım. 4 il öncə (2017-ci ildə) Balakənə köçdüyümdən sonra məqsədim tam profesional dülgər sexi qurmaq idi. Sonunda məqsədimə çatdım. Va 5 aydır ki, emalatxanam işə başlayıb. İlk olaraq ev dekoru üçün məhsulların hazırlanmasından başladım”.

K.Alqayevin kiçik arzusuna çatmasında “ABAD”ın da öz rolu var. Çünki o, 2017-ci ildə “ABAD”, UNDP və Avropa İttifaqının birgə olan “Balakən regional “ABAD” mərkəzi vasitəsilə Şəki-Zaqatala iqtisadi zonasında kiçik ailə təsərrüfatlarının inkişafına dəstək” layihəsində iştirakı nəticəsində bir ildən artıqdır ki, müqavilə bağlayaraq “ABAD”çı olub və ilk satışı da “ABAD” etno-butikləri sayəsində baş tutub:

”Gələcək planlarım bu sahədə böyükdür. Və bu planların içində "ABAD"-ın xüsusi yeri var. Perspektivli iş birliyinə və "ABAD" ın köməyi ilə birgə daha böyük bazarlara çıxacağıma inanıram”.