Arıçı Emin Bayramov Quba rayonu sakinidir. Quba Arıçılar Birliyinin sədridir. 2018-ci ildən isə “ABAD”çıdır:

“Bizim arıçılıq təsərrüfatının kökləri 1937-ci ilə gedir və nəsildən-nəsilə ötürülməklə artıq 2015-ci il tarixindən "Pətək" əmtəə nişanı adı altında məhsul satışını aparır. Təsərrüfatımız 330 arı ailəsindən ibarətdir. Təsərrüfatda bal, güləm, çiçək tozu, propolis, arı südü və sair arıçılıq məhsulları istehsal edilir.”

Həmçinin E.Bayramovun təsərrüfatında arı ailələri və bütün arıçılıq avadanlıqlarının topdan və pərakəndə satışı da təşkil edilir.

“2018-ci ildən “ABAD”çıyam. “ABAD”ın dəstəyi ilə biz müxtəlif market şəbəkələrində və “ABAD” butiklərində məhsullarımızı satışa çıxarırıq. Hazırda bizim zəngin çeşiddə məhsullarımız market stendlərində satışdadır. Bunlar

o   Meşə balı;

o   Dağ balı;

o   Cökə balı;

o   Akasiya balı;

o   May balı;

o   Şanlı bal ;

o   Laçın balı;

o   Qozlu bal;

o   Fındıqlı bal;

o   Badamlı bal və s.”

Bu illər ərzində Emin Bayramovun məhsulları özünə böyük alıcı kütləsi toplayıb. Məhsulların təbii olması insanların sağlamlığına xidmət etdiyi kimi nəfis dada da malikdir. Bu da “Pətək” ballarının əhali tərəfindən çox bəyənilməsinə səbəb olub.”