Minarə Mehdiyeva sim sənətinin incəliklərini ustalıqla icra edən və əl işlərinin zərifliyi ilə seçilən "ABAD" sənətkarıdır. İxtisasca tibb bacısı olan Minarə xanım uşaqlıq illərindən incəsənətə dərin maraq göstərib.

Artıq 8 ildən çoxdur ki, tətbiqi sənətlə məşğul olan “ABAD” çımız daim araşdırmış, fərqli texnikaları inkişaf etdirərək dekorativ mismarlar, metal simlər və kristal qaşlı tablolar yaradaraq sənətini yeni bir səviyyəyə çıxardıb.

Sim sənəti, metal tellərin xüsusi texnika ilə işlənərək müxtəlif bəzək əşyaları və aksesuarların hazırlanmasını əhatə edir. Minarə xanımın əl işləri bu sənətin ən gözəl nümunələrindəndir və hər bir əsəri özündə böyük zəhmət və sevgi daşıyır.

Hazırda Minarə Mehdiyeva öz sənətini daha geniş auditoriyaya tanıtmaq üçün yeni planlar qurur. O, gələcəkdə sərgilər təşkili etməyi, eyni zamanda, öz emalatxanasını yaratmağı düşünür. Bu emalatxana sayəsində o, yeni nəsillərə bu sənəti öyrətməyi və daha çox məhsul istehsal edə bilməyi hədəfləyir.

"ABAD"ın dəstəyi ilə Minarə Mehdiyeva öz sənətini daha geniş auditoriyaya çatdırır və milli sənətimizin təbliğinə töhfə verir. Onun əl işləri həm yerli, həm də xarici sənətsevərlər tərəfindən böyük maraqla qarşılanır.