İsmayıllı rayonunda anadan olmuş, lakin hazırda Bakı sakini olan Zərifə Dəmirova “ABAD”çıdır. Uşaq yaşlarından əl işlərinə maraq göstərməyi xanımın yolunu modelyer-dizaynerlik ixtisasına aparır.

“Evimizin bəzəyi hər zaman nənəmin anamın toxuma, tikmə əl işləri olub. Mən də bu möhtəşəmlik və əl əməyiinin müsbət enerjisinin içində böyümüşəm.”

Z.Dəmirova dekorativ-tətbiqi sənət üzrə fəaliyyət göstərir. 2015-ci ildən, qızının da dizayner sənəti üzrə təhsil aldığı zamanlardan isə milli ornamentlərlə keramika qablarını bəzəmək ideyasını həyata keçirməyıə başlayıblar:

“Milli ornamentlərə üstünlük verirəm. Bu naxışlar ilə müxtəlif şüşə və yaxud keramikadan olan qab-qacaqları: armudu stəkan, qənddan, boşqab, güldan və s. bəzəməyə başladıq. Daha çox şəbəkə, buta və nar motivlərini təsvir etməyi sevirəm.”

Zərfə Dəmirova qızı ilə birgə bu əl işləri ilə bir çox sərgilərdə iştirak edib. Bundan sonra işlərini milli suvenir dükanlarına satışa çıxarmaq üçün müraciət edib:

“Satışları həyata keçirmək üçün məkanlar axtarışı məni “ABAD”a gətirib çıxardı. Məhsullarımın təqdimatında “ABAD”dan çox böyük dəstək hiss edirəm. Bu da mənə daha çox yeni məhsul hazırlamağa motivasiya verir.”