1995-ci il təvəllüdlü Həmidə Quliyeva Bakı sakinidir. İxtisasca məktəbəqədər təlim tərbiyəçidir.

“Uşaqlıqdan rəssamlığa və ümumiyyətlə incəsənətə çox böyük marağım olub. Eşitmə məhdudiyyətli olmağıma baxmayaraq daim öz istəyimin arxasınca getmişəm. Valideynlərim də hər zaman mənə dəstək olublar. 2015-ci ildən “Ateshgah Art center”in rəhbəri Aytən Həsənovanın rəsm dərslərinə qatılaraq rəssamlığın sirlərini öyrənmişəm. Artıq 5 ildən çoxdur ki, yağlı boya ilə müxtəlif rəsmlər çəkir,  dekorativ-tətbiqi xalq sənətkarlığının şüşə, keramika üzərində rəngkarlıq istiqamətləri ilə məşğulam.”

H.Quliyevanın dediyinə görə, ilk vaxtlar onun müstəqil əl işləri “Ateshgah Art center”in satış güşəsində təqdim edilirdi. 

“ABAD” haqqında məlumat əldə etdikdən sonra mən də “ABAD” ailəsinə qoşuldum. 2019-cu ildən  “ABAD”çı kimi fəaliyyət göstərirəm.  Gələcək planlarımdan biri yaradıcılıq imkanlarımı daha da artırmaq, milli mədəniyyətimizi, mədəni irsimizi dünyada tanıtmaqdır."