Bu sənət üzrə ali təhsil almasa da, Samir Həbibov daim bu sahədə özünü təkmilləşdirməyə can atır, oyma sənətinin incəliklərini tam öyrənməyə cəhd göstərir.

“ABAD”dan öncə hazırladığım suvenirlərin satışı barədə heç düşünmürdüm. Demək olar ki, özümçün, hobbi kimi xırda-xırda suvenirlər düzəldərdim. Lakin indi bu sənətimin inkişaf edib çicəklənəcəyinə inanıram”.

Samir Həbibov “ABAD”dan olan gözləntilərindən də bəhs edir:

“Çox maraqlı layihədir. Gələcəyini də parlaq görürəm. Həm dekorativ-tətbiqi sənətdə milli ənənələrimizi qoruyub önə çəkir, həm bizi, sənətkarları da qurub yaratmağa təşviq edir”.

S.Həbibov onu da vurğulayır ki, “ABAD”ın dəstəyi ilə vətəndaşlarımıza münasib qiymətdə gözəl əl işləri təqdim etmək mümkündür”.

O, hər bir sənətkarı “ABAD”a qoşulmağa səsləyir:

“Gələcəyə inamla baxıram. İşimin çətinliyinə baxmayaraq, onu genişləndirmək fikrindəyəm: xüsusi emalatxana açmaqdan tutmuş, dünya bazarlarına çıxmağadək”.