Sənətkarlığa həvəsi Pərvanə İsmayıllını Əzim Əzimzadə adına incəsənət kollecinə aparıb.

Kolleci bitirdikdən sonra o, təhsilini Azərbaycan Dövlət Mədəniyyət və İncəsənət Universitetində davam etdirir.

O, rəngkarlıq janrlarında müxtəlif suvenirlər hazırlayır.

Daim ailəsinin dəstəyindən faydalanan Pərvanə xanım həmçinin müxtəlif dərnək və sərgilərdə iştirak edərək daim özünü təkmilləşdirib.

Bilik və bacarıqlarını inkişaf etdirmək, sənətkar kimi formalaşmaq və bu sahədə ailə biznesini qurmaq yolunda Pərvanə İsmayıllının növbəti addımı “ABAD” ilə əməkdaşlığa başlamaq olub.

O, “ABAD”a qoşularaq burada müxtəlif əl işlərinin hazırlanması ilə bağlı təlim keçib, həmçinin satışın təşkili istiqamətində dəstək alıb.

Hazırda onun əl işləri “ABAD” sənətkarlıq mərkəzlərində təqdim olunur.