“ABAD”ın şəxsi statistikasına əsasən, Azərbaycandan yadigar olaraq aparılan suvenir arasında liderlik bəzədilmiş armudu stəkanlardadır. Armudu stəkanlar müxtəlif dekorativ sənət texnikaları, o cümlədən vitraj ilə milli üslubda işlənilir. Bu səbəbdən “ABAD”a müraciət edən bir çox sənətkarlar da alıcıların maraq dairəsində olan məhsullara üstünlük verir.

Vitraj sənətinin mahir ustalarından biri də “ABAD”çımız Aysel Məmmədovadır. Fortepiano üzrə müəllim kimi fəaliyyət göstərən Aysel xanım əsas işindən başqa 8 ildir ki, vitraj sənəti ilə də məşquldur.

“Vitraj rəngli şüşələr, şəffaf boya və ya işıq ötürən örtüklər vasitəsilə hazırlanan, müxtəlif süjet və ornamentlərdən ibarət rəsm əsəridir. Mən bu sənətlə internet vasitəsilə tanış oldum, məni cəlb etdi”.

Əl işləri təkmilləşdikcə A.Məmmədova bu işdən mənfəət qazanmağı haqqında düşünməyə başladı. Belə ki, ilk işləri Xalça muzeyində yerləşən suvenir güşəs və Xətai Sənət mərkəzində satışa çıxarıldı.

“ABAD” haqqında məlumat əldə etdikdən sonra bu qurum mənə daha geniş bazarlara yol açacaq düşündüm və yanılmadım. “ABAD” brendi milli suvenirlərin təbliği yölunda Azərbaycanda ən qabaqcıldı. İşimin gedişatından da razıyam, hazırda milli ornamentləri daha dərindən öyrənir, öz işimi daha da irəli aparmaq üzrə çalışıram”.

Qeyd edək ki, Aysel Məmmədovanın gözoxşayan əl işlərini “ABAD” etno-butikləri və @abadhandicrafts səhifəsindən əldə edə bilərsiniz.