Xəbərlər

“SmFreshOil by ABAD” stendinin açılışı baş tutdu

Aprelin 19-da “Bravo” marketlər şəbəkəsinin “Koroğlu” filialında “ABAD” publik hüquqi şəxsin dəstəyi ilə “SmFreshOil by ABAD” stendinin açılışı baş tutub.Tədbirdə rəmzi qırmızı lent “SmFreshOil” brendinin sahibi “ABAD”çı Maya Səbzəliyeva və “ABAD” publik hüquqi şəxsin Xidmət sektoru və satışın təşkili departamentinin müdiri Camid Mövsümov tərəfindən kəsilib. Mərasimdə bir sıra tanınmış şəxslər, blogerlər və “ABAD”ın rəsmi nümayəndləri iştirak edib.Qeyd edək ki, bu stenddə müştərilərin gözü önündə soyuq sıxım yağlar və çərəzlərdən müxtəlif əzmələr hazırlanaraq yerindəcə müştərilərə təqdim olunacaq.Bundan başqa, “SmFreshOil by ABAD“ stendində həmçinin müxtəlif çeşid sağlıqlı məhsulların satışı həyata keçiriləcəkdir.- Soyuq sıxım yağlar (qarazirə, kokos, kətan, balqabaq və s.);- Əzmələr (fındıq, fıstıq, badam əzməsi və s.);- Qlütensiz unlar (kokos, kətan, düyü unu, yaşıl qarabaşaq unu və.s.);- Macunlar və orqanik şokolad pastaları və s.Ünvan: Nizami rayonu, Heydər Əliyev prospekti 172 (Koroğlu metrosunun yanı), Bravo Hipermarket.

20.04.2022

“ABAD” məhsulları Azexport.az portalı vasitəsilə “Amazon” və “eBay” platformalarında beynəlxalq alıcılara təqdim olunub

“ABAD” publik hüquqi şəxs və Azexport.az portalının birgə əməkdaşlığı çərçivəsində Azərbaycanın dekorativ-tətbiqi xalq sənətkarlığı nümunələri “Amazon” və “eBay” elektron ticarət platformalarında beynəlxalq alıcılara təqdim olunub. Layihənin başlıca məqsədi “ABAD” üzvləri olan fərdi şəxslər tərəfindən ərsəyə gətirilən məhsulların ixrac potensialının artırılması, həmçinin, Azərbaycanın xalq sənətkarlığı nümünələrinin beynəlxalq rəqəmsal mühitdə təbliğinə əlavə dəstək göstərməkdir. Hazırda “Amazon” və “eBay” platformalarında satışlar əsasən “B2C” və “C2C” seqmentlər arasında həyata keçirildiyindən çəki, qabarit və növü beynəlxalq poçt daşıma tələblərinə cavab verən məhsullar portallara inteqrasiya olunub. Nümayiş etdirilən məhsul sayının və çeşidinin mərhələli şəkildə artırılması nəzərdə tutulub.https://amzn.to/3j5kQgihttp://ebay.to/3uVp5jZQeyd edək ki, “ABAD” publik hüquqi şəxs ölkədə mikro, kiçik və orta sahibkarlığın inkişafı məqsədi ilə fəaliyyət göstərir. “ABAD”ın dəstək proqramına biznes-planlaşdırma, marketinq, təlimlər, brendinq və dizayn, maliyyə-mühasibat, hüquqi yardım, satışın təşkili və s. kimi xidmətlər daxildir.

04.04.2022

UNEC və Odlar Yurdu univesitetləri tələbələri ilə görüş keçirilib

Azərbaycan Dövlət İqtisad Universiteti və Odlar Yurdu Universitetinin tələbələrinə “ABAD” publik hüquqi şəxsin təqdimatı keçirilib. Tədbirdə “ABAD”ın əməkdaşları, Azərbaycan Sahibkarlar Konfederasiyasının (ASK) nümayəndəsi və 4-cü kurs iqtisadiyyat yönümlü təhsil alan tələbələr iştirak edib. Maraqlı və ətraflı təqdimatla yanaşı, tələbələrin sualları cavablandırılıb, müzakirələr aparılıb. Görüşdə vurğulanıb ki, “ABAD”ın mərkəzlərində, istehsalat komplekslərində, məktəbləri və satış məntəqələrində istehsalat təcrübəsini keçmək mümkündür. Bundan başqa, “ABAD” çərçivəsində sahibkarlıqla məşqul olmaq istəyən tələbələrə, “ABAD”çı olmaq təklifi irəli sürülüb. “ABAD”ın nümayəndələri ASK və yerli ali təhsil ocaqları ilə əməkdaşlığın gələcəkdə də davam etdiriləcəyini, daha böyük miqyaslı birgə layihələrin planlaşdırıldığını bildiriblər. Qeyd edək ki, Azərbaycan Respublikası Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində “ABAD” publik hüquqi şəxs Prezident İlham Əliyevin 2016-cı il 23 sentyabr tarixli Fərmanı ilə yaradılıb. Ölkəmizin sosial-iqtisadi inkişafında kiçik və orta sahibkarlığın fəaliyyətinə, əhalinin məşğulluq səviyyəsinin artırılmasına və rəqabətqabiliyyətli ailə təsərrüfatlarının formalaşdırılmasına dəstək verməklə sosialyönümlü layihələr həyata keçirən “ABAD” PHŞ (Ailə Biznesinə Asan Dəstək) dekorativ-tətbiqi xalq sənətkarlığı və qida məhsullarının istehsalı sahəsində fəaliyyət göstərən ailə bizneslərinə dəstək layihələri həyata keçirilir.

01.04.2022

“Novruz ənənələri ABADda” festivalı keçirilib

18 mart tarixində “İçərişəhər” Dövlət Tarix-Memarlıq Qoruğunda yerləşən “ABAD” etno-butikində xalqımızın ən qiymətli milli-mənəvi dəyərlərindən biri olan Novruz Bayramını, onun mənşəyi, tarixi və adətlərini özündə təcəssüm edən “Novruz ənənələri ABADda” adlı festivalı keçirilib. “ABAD” publik hüquqi şəxs mikro, kiçik və orta sahibkarlığa dəstəyə köklənməkdən əlavə mədəniyyətə də öz töhfəsini verməkdə davam edir. Belə ki, festivalda milli bayramımızın ənənələri təbliğ edilib, eləcə də “ABAD”çıların Novruz mövzusunda məhsulları qonaqlara təqdim olunub. 18 mart tarixi də təsadüfi seçilməyib. Məhz bu tarixdə beş il öncə “ABAD”ın İçərişəhərdə yerləşən ilk etno-butiki fəaliyyətə başlayıb. Bundan başqa festivalın qonaqları ənənəvi Novruz süfrəsinin yığılmağını seyr edərək, süfrəyə düzülən nemətlərin rəmzi mənası haqqında məlumatlar əldə ediblər. Xüsusi hazırlanmış zonalarda Novruz adətlərinə uyğun əyləncələr təqdim edilib: * Novruz falları; * Hədiyyəli yumurta döyüşü; * Yumurta bəzədilməsi master klassı; * Xınayaxdı; * Xonça bəzəməsi master klassı; * Milli fotosessiya; * Milli musiqi və s.

29.03.2022

"ABAD" publik hüquqi şəxsin 2021-ci il hesabatı

“ABAD” publik hüquqi şəxs 2021-ci il ərzində də öz fəaliyyətini uğurla davam etdirib. Ötən ildə 5 yaşını qeyd edən qurumdan dəstək alan “ABAD”çıların sayı 500-ü ötüb. 2021-ci il ərzində daha bir “ABAD Factory” İstehsalat Kompleksinin açılışı baş tutub. Sayca üçüncü olan Quba “ABAD Factory” qablaşdırma vasitələrinin istehsalı üzrə istiqamətlənib. Müvafiq ildə mərkəzlərin də sayında artım olub. Belə ki, "PAŞA Holdinq"in dəstəyi ilə 12 yeni “ABAD” stendi açılaraq sayları 28-ə çatıb. Stendlərin yerləşdiyi marketlərin sayında da artım müşahidə olunur. Beləki, “Bravo” marketlər şəbəkəsi ilə bərabər, “ABAD” stendləri artıq “Grandmart”, “Bolmart”, Rahat”, “Bizim Market” və digər şəbəkələrdə də fəaliyyət göstərir. Qida məhsullarının istehsalı sahəsində məhsulların çeşidi artıb. Tovuz “ABAD Factory” Bitkilərin Qurudulması və Emalı İstehsalat Kompleksində hazırlanan 7 növ “Fitolife” müalicəvi otlardan çaylar, “Narlı” brendi altında müxtəlif marinad və souslar, yeni növ ədviyyatlar, ləvəngilər, içkilər, yağ və pendirlər "ABAD" qida assortimentinə daxil edilib. Həmçinin 2021-ci ildə “ABAD” qida məhsullarının ixracı istiqaməində mühüm addımlar atılıb. Belə ki, “ABAD” məhsulları artıq Yaponiya və Qazaxıstanda təqdim olunur. Dekorativ-tətbiqi xalq sənətkarlıq nümunələri də artıq yalnız 10 “ABAD” etno-butiklərin də deyil, həmçinin elektronika, məişət texnikası, mebel, tekstil və digər ev əşyalarının satışı üzrə ixtisaslaşmış Azərbaycanın ən böyük riteyl şəbəkəsi olan “Kontakt Home”da da fəaliyyətə başlayıb. Şəki və Nardaran keramika və tətbiqi sənət mərkəzləri də öz fəaliyyətini uğurla davam etdirib. İl ərzində mərkəzlərdə xüsusi “YAŞAT” kolleksiyaları yaradılıb. Bu kolleksiyanın satışından əldə olunan gəlirin bir hissəsi “YAŞAT” Fonduna ianə edilir. Fond ilə bundan da başqa bir neçə istiqamətlər üzrə əməkdaşlıqlar qurulub. Onlardan biri şəhid ailələrinin üzvlərinin dekorativ-tətbiqi sənətə yiyələnib “ABAD”çı sıralarına qoşulmaqdır. Müvafiq dövrdə "ABAD” publik hüquqi şəxsi və Birləşmiş Millətlər Təşkilatının İnkişaf Proqramı (BMTİP) tərəfindən birgə icra edilən, o cümlədən Avropa İttifaqı (Aİ) tərəfindən maliyyələşdirilən “Balakən regional “ABAD” mərkəzi vasitəsilə Şəki-Zaqatala iqtisadi zonasında kiçik ailə təsərrüfatlarının inkişafına dəstək” layihəsi başa çatıb. 2017-2021-ci illəri əhatə edən layihənin nəticəsi olaraq 12 məcburi köçkün ailəsi olmaqla 44 yeni ailə təsərrüfatı formalaşıb, məhsulları satışa çıxarılıb. İl ərzində bir çox xarici dövlətlər tərəfindən “ABAD”a olan maraq artıb. Özbəkistan, İsrail, Argentina, Tacikistan, Rusiya və s. ölkələrin rəsmi nümayəndələrinə “ABAD” təqdimatı keçirilib, əməkdaşlığa dair müzakirələr aparılıb. “ABAD”ın AQTA ilə olan layihələrinin növbəti mərhələləri baş tutdu. Məsələn, "Dönər biznesinin sağlamlaşdırılması" layihəsi çərçivəsində iki iaşə obyektinin fəaliyyətinə start verilib. 2021-ci il “ABAD” üçün həmçinin bir çox sərgi və yarmarkalarda iştirakı ilə yadda qalıb. Onlar arasında Zəfər gününə həsr olunmuş tədbirlər və s.

06.01.2022

“ABAD” daha bir Yeni İl yarmarkasında

“ABAD” Şahdağ Turizm Mərkəzində təşkil olunmuş Milad yarmarkasında iştirak edir. 25 dekabr 2021-ci il tarixindən start alan yarmarkada "ABAD" brendi altında əl işləri suvenirləri, müxtəlif hədiyyələr və “ABAD”çıların istehsal etdiyi nəfis qida məhsulları və içkilər təqdim olunur. Qeyd edək ki, yarmarka 2022-ci ilin yanvar ayının ortalarınadək hər kəs üçün açıqdır.