Xəbərlər

“ABAD” UNESCO-nun təlim kursunda təmsil olunub

Mədəniyyət Nazirliyinin dəstəyi, Azərbaycan Respublikası Əqli Mülkiyyət Agentliyi və Azərbaycan Yaradıcı Sənayelər Federasiyasının (AYSF) tərəfdaşlığı ilə “İrsin idarəedilməsi bacarıqlarının inkişafı” proqramı üzrə növbəti treninq keçirilib.Oktyabrın 13-də açılışı olan təlim kursu UNESCO-nun 2003-cü ildə qəbul edilən “Qeyri-maddi mədəni irsin qorunması haqqında” Konvensiyasına həsr olunub. Kurs “Qlobal Kommunikasiyalar və İnnovasiyalar” şirkəti tərəfindən “İrsin idarəedilməsi bacarıqlarının inkişafı” təlim proqramı çərçivəsində reallaşır.Təlimin ikinci günü “ABAD” publik hüquqi şəxsin direktoru Rüfət Elçiyev iştirakçılara “ABAD”ın fəaliyyəti və qurumun qeyri-maddi mədəni irsin qorunması istiqamətində verdiyi töhfələri haqqında geniş informasiya ilə çıxış edib.Qeyd edək ki, “ABAD” publik hüquqi şəxs ölkədə mikro, kiçik və orta sahibkarlığın inkişafı məqsədi ilə fəaliyyət göstərərək, prioritet olaraq dekorativ-tətbiqi xalq sənətkarlığı və qida məhsullarının istehsalı sahəsində çalışan ailə bizneslərinə dəstək layihələrini həyata keçirir.

14.10.2022

"ABAD"ın tərəfdaşlığı ilə “Bakı Dizayn Festivalı” keçirildi

“ABAD”ın tərəfdaşlığı ilə Azərbaycanın dahi rəssamı Əzim Əzimzadəyə həsr olunan “Bakı Dizayn Festivalı” keçirilib. Festival Graphic Design Azerbaijan qrupu və Rəsul Həsənin təşkilatçılığı ilə 24 sentyabr 2022- ci il tarixində EGP Arenada baş tutub.Festival çərçivəsində müxtəlif yaradıcılıq stendləri, art instalyasilar sərgilənib. Festivala gənc rəssamlarla yanaşı xalq rəssamları və digər tanınmış mədəniyyət işçiləri də qatılıb.Hər zaman milli mədəniyyətə və incəsənətə öz töhfələrini verən “ABAD” publik hüquqi şəxs bu Festivalda tərəfdaş qismində iştirak edib.Belə ki, festivalda iştirak edən 11 qazi dizaynerə “ABAD” tərəfindən xüsusi hədiyyələr təqdim edilib.Qeyd edək ki, ölkəmizdə ilk dəfə keçirilmiş Dizayn Festivalının əsas məqsədi yaradıcı şəxslər arasında fikir mübadiləsini təmin etmək, dizayn sahələrinə olan marağı artırmaq, yeni dizayn sahələrini təbliğ etmək və gənc sənətkarların öz potensial imkanlarını nümayiş etdirmələrinə imkan yaratmaqdır.

26.09.2022

"ABAD" əməkdaşları təltif edildilər

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində olan "ABAD" publik hüquqi şəxsin yaradılmasının altıncı ildönümü ilə əlaqədar olaraq 23 sentyabr 2022-ci il tarixində 7 saylı Bakı "ASAN xidmət" mərkəzində tədbir təşkil olunub.Dövlət Agentliyinin sədri Ülvi Mehdiyev qurum əməkdaşlarını təbrik edib, onlara gələcək fəaliyyətində uğurlar arzulayıb."ABAD" publik hüquqi şəxsin direktoru Rüfət Elçiyev qurumun fəaliyyətinə dair videotəqdimatla çıxış edib.Sonra xidməti fəaliyyətində fərqlənən əməkdaşlara təşəkkürnamələr və fəxri fərmanlar təqdim olunub.

23.09.2022

“ABAD” 6 yaşını qeyd edir

“ABAD” publik hüquqi şəxs Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində Azərbaycan Respublikasının Prezidenti cənab İlham Əliyevin 23 sentyabr 2016-cı il tarixli Fərmanı ilə yaradılıb.Ötən müddət ərzində “ABAD” öz fəaliyyətini baş ofis və altı regional mərkəz, 12 etno-butik, iki keramika və tətbiqi sənət mərkəzi, müxtəlif marketlər şəbəkələrində təşkil edilmiş 31 “ABAD” bakaleyaları və stendləri, 22 ədəd istehsal konteyneri, üç “ABAD Factory” istehsalat kompleksi və iki "ABAD" Məktəb vasitəsilə həyata keçirib.“ABAD” pilot layihə olaraq fəaliyyətə Masallı rayonunda 7 təssərüfatçı ailə ilə başlayıb və bu günə kimi 534 ailəyə dəstək göstərib. Hazırda onlardan 419 sənətkarlıq, 102 qida və 13 digər istiqamətlərdə dəstək alırlar. “ABAD”çılarla həyata keçirilmiş kommersiya fəaliyyəti nəticəsində onların minlərlə çeşiddə sənətkarlıq, kənd təsərrüfatı və digər müxtəlif növ məhsulları satışa çıxarılıb.Ötən dövr ərzində “ABAD” iri şirkətlər və donor təşkilatların korporativ sosial təşəbbüslərinin icrası üçün alternativ alətə çevrilə bilib. Əldə etdiyi qrantlar hesabına “ABAD” istehsal mərhələsinə qədəm qoymuş “ABAD”çıların 7.3 milyon manat dəyərində məhsulunun satışını həyata keçirib.Yaxın persprektivdə ölkədə fəaliyyət göstərən hotellərlə sıx əməkdaşlıq, həmçinin dəstək istiqamətlərinin və “ABAD”çıların sayının artırılması nəzərdə tutulur.

22.09.2022

Özbəkistan nümayəndə heyəti "ABAD"da

19 sentyabr 2022-ci il tarixində Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində fəaliyyət göstərən “ABAD” publik hüquqi şəxsin və ölkəmizdə səfərdə olan Özbəkistan Respublikası İnnovasiyaların İnkişafı Nazirliyinin və tabeliyində fəaliyyət göstərən qurumların rəhbər şəxslərindən ibarət nümayəndə heyəti arasında görüş keçirilib. Görüşün əsas məqsədi Özbəkistan dövlət qurumları ilə effektiv dövlət xidmətlərinin göstərilməsi mövzüsunda təcrübə mübadiləsi və müvafiq istiqamətlər üzrə mümkün əməkdaşlıq perspektivlərinin müzakirəsi olub. Qonaqlara “ABAD” publik hüquqi şəxsin yaradılması məqsədləri və fəaliyyət istiqamətləri barədə ətraflı məlumat verilib. Qeyd olunub ki, mikro, kiçik və orta sahibkarlığın inkişafı baxımından “ABAD” modelinin yaradılması ilə bir çox nailiyyətlər əldə olunub. Qonaqlara “ABAD”ın həyata keçirdiyi fəaliyyət, layihələr, həmçinin məhsullar barədə təqdimat edilib.

20.09.2022

“ABAD” və “PMD Hospitality” ailə təsərrüfatlarının inkişafına birgə dəstək göstərəcək

8 sentyabr 2022-ci il tarixində Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində olan “ABAD” publik hüquqi şəxs və Azərbaycanda sağlamlıq və istirahət seqmentlərində hotellərin idarəetməsi ilə məşğul olan “PMD Hospitality” MMC arasında əməkdaşlığa dair Sazişin imzalanması mərasimi baş tutub. Saziş ailə təsərrüfatlarının, mikro, kiçik və orta sahibkarlığın inkişaf etdirilməsi layihələrinə dəstək göstərilməsi istiqamətində birgə fəaliyyəti əhatə edir.Mərasimdə Dövlət Agentliyinin sədri Ülvi Mehdiyev, “PMD Hospitality” MMC-nin İdarə heyətinin sədri Samir Qurbanov, “ABAD” publik hüquqi şəxsin direktoru Rüfət Elçiyev və digər qonaqlar iştirak ediblər.Ülvi Mehdiyev Prezident İlham Əliyevin tapşırıqlarına uyğun olaraq ölkəmizdə mikro, kiçik və orta sahibkarlığın inkişafına yönəlmiş genişmiqyaslı sosial-iqtisadi islahatlardan söz açıb. Diqqətə çatdırılıb ki, bu inkişafın gücləndirilməsi və innovativ yanaşmalar əsasında təkmilləşdirilməsi məqsədi ilə təsis edilən “ABAD” iri şirkətlərin və donor təşkilatların korporativ sosial təşəbbüslərinin icrası üçün alternativ alətə çevrilib.Samir Qurbanov “PMD Hospitality”nin idarəçiliyndə olan hotellərin geniş qonaqpərvərliyini nümayiş etdirməyə və "ABAD"çılara dəstək olub fərqli məhsullarını hotellərdə təqdim etməyə şirkətin hazır olduğunu vurğulayıb.Tərəflər Sazişin iki qurum arasında əməkdaşlığın genişləndirilməsi və fəal təcrübə mübadilələrinin həyata keçirilməsində önəmli rol oynayacağına əminliklərini ifadə ediblər.Sazişə əsasən “PMD Hospitality”ə məxsus obyektlərin tədarük ehtiyaclarının “ABAD”çıların istehsalı olan məhsullarla ödənilməsinə üstünlük veriləcək. Yerli, ekoloji təmiz, ailə təsərrüfatlarının istehsalı olan məhsullarla təchizatın gücləndirilməsi üçün sözügedən obyektlərin yerləşdiyi ərazilərin yaxınlıqlarında “ABAD”çıların formalaşdırılmasına dəstək göstəriləcək.“PMD Hospitality”nin portfelinə daxil olan hotellərdə “ABAD”çı sənətkarlar tərəfindən hazırlanmış suvenirlərdən, o cümlədən məişət və dekor məhsullarından istifadə ediləcək. Həmçinin qonaqların “ABAD”çı məhsulları ilə yaxından tanış olmaları və əldə edə bilmələri üçün həmin hotellərdə ABAD etno-butikləri fəaliyyət göstərəcək.